ރައްޔިތުންނަށް ބޯހިޔާވަހިކަން ފޯރުކޮށްދިނުމުގެ ގޮތުން 2018 ވަނަ އަހަރު 6,200 ހައުސިން ޔުނިޓް އެޅުމުގެ މަސައްކަތް ފަށަން ހަމަޖެހިފައިވެއެވެ. މީގެ ތެރެއިން 5,400 ހައުސިންގ ޔުނިޓް މާލެ ސަރަހައްދުގައި އަދި 800 ހައުސިންގ ޔުނިޓް އަތޮޅުތަކުގައި އެޅުމަށް ވަނީ ހަމަޖެހިފައެވެ. މި ހައުސިންގ ޔުނިޓްތައް ހެދުމަށް ހަމަޖެހިފައިވަނީ ޕަބްލިކް ޕްރައިވެޓް ޕާޓްނަރޝިޕްގެ ދަށުން މަޝްރޫޢުގެ ޖުމުލައިގެ %15 ސަރުކާރުން ޚަރަދުކުރާގޮތަށެވެ. މި ގޮތުން މި މަޝްރޫޢުތަކަށް ޖުމުލަ 4,133 މިލިއަން ރުފިޔާ ޚަރަދުވާނެކަމަށް ލަފާކުރެވެއެވެ. މީގެ ތެރެއިން ދައުލަތުގެ އާންމު ބަޖެޓުން ޚަރަދުވާނެކަމަށް ލަފާކުރެވެނީ 550 މިލިއަން ރުފިޔާއެވެ.

ރައްޔިތުންނަށް ބޯހިޔާވަހިކަން ފޯރުކޮށްދިނުމުގެ ގޮތުން 2018 ވަނަ އަހަރު 6,200 ހައުސިން ޔުނިޓް އެޅުމުގެ މަސައްކަތް ފަށަން ހަމަޖެހިފައިވެއެވެ. މީގެ ތެރެއިން 5,400 ހައުސިންގ ޔުނިޓް މާލެ ސަރަހައްދުގައި އަދި 800 ހައުސިންގ ޔުނިޓް އަތޮޅުތަކުގައި އެޅުމަށް ވަނީ ހަމަޖެހިފައެވެ. މި ހައުސިންގ ޔުނިޓްތައް ހެދުމަށް ހަމަޖެހިފައިވަނީ ޕަބްލިކް ޕްރައިވެޓް ޕާޓްނަރޝިޕްގެ ދަށުން މަޝްރޫޢުގެ ޖުމުލައިގެ %15 ސަރުކާރުން ޚަރަދުކުރާގޮތަށެވެ. މި ގޮތުން މި މަޝްރޫޢުތަކަށް ޖުމުލަ 4,133 މިލިއަން ރުފިޔާ ޚަރަދުވާނެކަމަށް ލަފާކުރެވެއެވެ. މީގެ ތެރެއިން ދައުލަތުގެ އާންމު ބަޖެޓުން ޚަރަދުވާނެކަމަށް ލަފާކުރެވެނީ 550 މިލިއަން ރުފިޔާއެވެ.

ދިވެހިރާއްޖޭގެ ތައުލީމީ ނިޒާމަށް އިންގިލާބީ ބަދަލެއް ގެނައުމަށްޓަކައި 2017 ގެ ތެރޭގައި 47 މިލިއަން ރުފިޔާ އަދި 2018 ވަނަ އަހަރު 138.8 މިލިއަން ރުފިޔާ ޚަރަދުކުރުމަށް ކަނޑައެޅިފައިވެއެވެ. މި ހަރަކާތުން ހުރިހާ ސްކޫލެއް ނެޓްވަރކްއަކުން ގުޅާލެވި ދަރިވަރުން ސްކޫލަށް ފޮތް ދަބަސް ގެންދިއުމުގެ ބަދަލުގައި ކޮންމެ ދަރިވަރަކަށް ޓެބްލެޓެއް ފޯރުކޮށްދެވޭނެއެވެ. މިއާއެކު ގްރޭޑް 1 އިން 12 ގެ ދަރިވަރުންނަށް ފޯރުކޮށްދޭ ޓެކްސްޓް ފޮތްތައްވެސް އީ-ބުކްއަށް ޑިޖިޓައިޒްކުރެވިގެންދާނެއެވެ. ހަމައެހެންމެ މި އިންގިލާބީ ބަދަލާއެކު ހުރިހާ މުދައްރިސުންނަށްވެސް ޓެބްލެޓެއް ދެވޭނެއެވެ.

ދިވެހިރާއްޖޭގެ ތައުލީމީ ނިޒާމަށް އިންގިލާބީ ބަދަލެއް ގެނައުމަށްޓަކައި 2017 ގެ ތެރޭގައި 47 މިލިއަން ރުފިޔާ އަދި 2018 ވަނަ އަހަރު 138.8 މިލިއަން ރުފިޔާ ޚަރަދުކުރުމަށް ކަނޑައެޅިފައިވެއެވެ. މި ހަރަކާތުން ހުރިހާ ސްކޫލެއް ނެޓްވަރކްއަކުން ގުޅާލެވި ދަރިވަރުން ސްކޫލަށް ފޮތް ދަބަސް ގެންދިއުމުގެ ބަދަލުގައި ކޮންމެ ދަރިވަރަކަށް ޓެބްލެޓެއް ފޯރުކޮށްދެވޭނެއެވެ. މިއާއެކު ގްރޭޑް 1 އިން 12 ގެ ދަރިވަރުންނަށް ފޯރުކޮށްދޭ ޓެކްސްޓް ފޮތްތައްވެސް އީ-ބުކްއަށް ޑިޖިޓައިޒްކުރެވިގެންދާނެއެވެ. ހަމައެހެންމެ މި އިންގިލާބީ ބަދަލާއެކު ހުރިހާ މުދައްރިސުންނަށްވެސް ޓެބްލެޓެއް ދެވޭނެއެވެ.

ދަތުރުފަތުރުގެ ވިއުގަ ރަނގަޅުކުރުމުގެ ގޮތުން 2018 ވަނަ އަހަރުގައިވެސް 4 އެއަރޕޯޓެއް އެޅުމުގެ މަސައްކަތް ފެށުމަށް ހަމަޖެހިފައިވެއެވެ. މި 4 އެއަރޕޯޓު ހެދުމުގެ މަޝްރޫޢުތަކަށް 2018 ގައި ހޭދަވާނެކަމަށް ލަފާކުރެވެނީ 283 މިލިއަން ރުފިޔާއެވެ. އަދި ދައުލަތުން ކުރިއަށް ގެންދާ ބޮޑެތި އިންފްރަސްޓްރަކްޗަރ މަޝްރޫޢުތަކުގެ ތެރެއިން 2018 ވަނަ އަހަރުގެ ތެރޭގައި ޗައިނާ-މޯލްޑިވްސް ފްރެންޑްޝިޕް ބްރިޖް ހެދުމުގެ މަސައްކަތްތައް ނިންމުމަށް ވަނީ ހަމަޖެހިފައެވެ. 2018 ގައި މި މަޝްރޫޢުއަށް 311 މިލިއަން ރުފިޔާ ހޭދަވާނެކަމަށް ބެލެވެއެވެ. އަދި މިހާރު ހިނގަމުންދާ ވެލާނާ އިންޓަރނޭޝަނަލް އެއަރޕޯޓުގެ އައު ރަންވޭއާއި ޓަރމިނަލް ހެދުމުގެ މަޝްރޫޢުއަށް 2018 ވަނަ އަހަރުގައި 1,962 މިލިއަން ރުފިޔާ ޚަރަދުވާނެކަމަށް ލަފާކުރެވެއެވެ.

2018 ވަނަ އަހަރު ދަރުމަވަންތަ ހޮސްޕިޓަލު ބިނާކޮށް ނިންމުމަށް 50 މިލިއަން ރުފިޔާ އަދި ހޮސްޕިޓަލަށް ބޭނުންވާ މެޝީނަރީއާއި އިކުއިޕްމަންޓް ގަތުމަށް 393 މިލިއަން ރުފިޔާ ޚަރަދުކުރުމަށް ކަނޑައެޅިފައިވެއެވެ. އަދި 2018 ގައި ދަރުމަވަންތަ ހޮސްޕިޓަލުގެ ޕީ.އެސް.އައި.ޕީ މަސައްކަތް ނިންމާ ހޮސްޕިޓަލު ހިންގަން ފެށުމަށް ވަނީ ހަމަޖެހިފައެވެ. މިގޮތުން ހޮސްޕިޓަލުގެ ހިންގުމުގެ ޚަރަދުގެ ގޮތުގައި 370 މިލިއަން ރުފިޔާ ޚަރަދުވާނެކަމަށް ލަފާކުރެވެއެވެ. މި ހޮސްޕިޓަލުގައި ފެންވަރު ރަނގަޅު ކާޑިއޮލޮޖީއާއި ފިޒިއޮތެރަޕީ ޚިދުމަތްތައް ފޯރުކޮށްދެވޭނެ ވަސީލަތްތައް ގާއިމްވެފައި ހުންނާނެއެވެ. އަދި ހެލްތު ޓޫރިޒަމަށް ކޭޓަރކުރުމުގެ ގޮތުން އެގްޒެކެޓިވް ހެލްތުކެއަރ ކޮޓަރިއާއި އެޕާޓްމަންޓްތައްވެސް ހެދިފައިވާނެއެވެ.

2018 ވަނަ އަހަރު ދަރުމަވަންތަ ހޮސްޕިޓަލު ބިނާކޮށް ނިންމުމަށް 50 މިލިއަން ރުފިޔާ އަދި ހޮސްޕިޓަލަށް ބޭނުންވާ މެޝީނަރީއާއި އިކުއިޕްމަންޓް ގަތުމަށް 393 މިލިއަން ރުފިޔާ ޚަރަދުކުރުމަށް ކަނޑައެޅިފައިވެއެވެ. އަދި 2018 ގައި ދަރުމަވަންތަ ހޮސްޕިޓަލުގެ ޕީ.އެސް.އައި.ޕީ މަސައްކަތް ނިންމާ ހޮސްޕިޓަލު ހިންގަން ފެށުމަށް ވަނީ ހަމަޖެހިފައެވެ. މިގޮތުން ހޮސްޕިޓަލުގެ ހިންގުމުގެ ޚަރަދުގެ ގޮތުގައި 370 މިލިއަން ރުފިޔާ ޚަރަދުވާނެކަމަށް ލަފާކުރެވެއެވެ. މި ހޮސްޕިޓަލުގައި ފެންވަރު ރަނގަޅު ކާޑިއޮލޮޖީއާއި ފިޒިއޮތެރަޕީ ޚިދުމަތްތައް ފޯރުކޮށްދެވޭނެ ވަސީލަތްތައް ގާއިމްވެފައި ހުންނާނެއެވެ. އަދި ހެލްތު ޓޫރިޒަމަށް ކޭޓަރކުރުމުގެ ގޮތުން އެގްޒެކެޓިވް ހެލްތުކެއަރ ކޮޓަރިއާއި އެޕާޓްމަންޓްތައްވެސް ހެދިފައިވާނެއެވެ.

2018 ވަނަ އަހަރު ކުނި މެނޭޖްކުރުމަށް ޖުމުލަ 226 މިލިއަން ރުފިޔާ ޚަރަދުކުރާނެކަމަށް ލަފާކުރެވެއެވެ. މީގެ ތެރެއިން 78 މިލިއަން ރުފިޔާ ޚަރަދުކުރުމަށް ހަމަޖެހިފައިވަނީ ތިލަފުށީގެ ބިން ހިއްކާ އިންސިނަރޭޓަރެއް ބެހެއްޓުމުގެ މަޝްރޫޢަށެވެ. އަދި 26 މިލިއަން ރުފިޔާ ޒޯން 1 ގެ ސަރަހައްދީ ކުނި މެނޭޖްކުރުމަށާއި އިކުއިޕްމަންޓް ހޯދުމަށް، އަދި 24 މިލިއަން ރުފިޔާ އައްޑޫ އަދި ފުވައްމުލަކު ސިޓީގެ ސަރަހައްދީ ކުނި މެނޭޖްކުރާ ނިޒާމް ގާއިމްކުރުމަށް ޚަރަދުކުރެވޭނެކަމަށް ލަފާކުރެވެއެވެ. ކުނި މެނޭޖްކުރުމުގެ މަޝްރޫޢުތަކުގެ %22 އަކީ ބޭރުގެ ފަރާތްތަކުން ދޭ ހިލޭ އެހީން ކުރެވޭ މަސައްކަތްތަކެވެ.

މި އެޕަކީ 2018 ވަނަ އަހަރުގެ ދައުލަތުގެ ބަޖެޓާ ބެހޭ މައުލޫމާތު ޑިޖިޓަލް ފޯމެޓުގައި ރައްޔިތުންނަށް ގެނެސް ދިނުމަށް ތައްޔާރުކޮށްފައިވާ އެޕެކެވެ. މި އެޕް މެދުވެރިކޮށް ބަޖެޓާބެހޭ ތަފާސްހިސާބާއި ގްރާފް އަދި ދިވެހި ރުފިޔާއާއި އެމެރިކާ ޑޮލަރުން ބަޖެޓުގެ ނަންބަރުތައް ބަލާލެވޭނެއެވެ.

މި އެޕުގެ މެދުވެރިކޮށް ދައުލަތުގެ އާމްދަނީ އާއި ޚަރަދު އަދި ސަރުކާރުން ކުރިއަށް ގެންދާ ތަރައްޤީގެ މަޝްރޫއުތަކާގުޅޭ މައުލޫމާތުތައް ތަފްސީލާއެކު ފޯރުކޮށްދީފައިވާނެއެވެ.

މި އެޕަކީ 2018 ވަނަ އަހަރުގެ ދައުލަތުގެ ބަޖެޓާ ބެހޭ މައުލޫމާތު ޑިޖިޓަލް ފޯމެޓުގައި ރައްޔިތުންނަށް ގެނެސް ދިނުމަށް ތައްޔާރުކޮށްފައިވާ އެޕެކެވެ. މި އެޕް މެދުވެރިކޮށް ބަޖެޓާބެހޭ ތަފާސްހިސާބާއި ގްރާފް އަދި ދިވެހި ރުފިޔާއާއި އެމެރިކާ ޑޮލަރުން ބަޖެޓުގެ ނަންބަރުތައް ބަލާލެވޭނެއެވެ.

މި އެޕުގެ މެދުވެރިކޮށް ދައުލަތުގެ އާމްދަނީ އާއި ޚަރަދު އަދި ސަރުކާރުން ކުރިއަށް ގެންދާ ތަރައްޤީގެ މަޝްރޫއުތަކާގުޅޭ މައުލޫމާތުތައް ތަފްސީލާއެކު ފޯރުކޮށްދީފައިވާނެއެވެ.